KontaKLIK ukimenezko pantailak dituzten gailuetan (bai Android zein IOS sistema eragileak dituztenak), zein mahai-gaineko ordenagailuetan erabiltzeko materiala da. Material hau Lehen Hezkuntzan erabiltzeko pentsatua dago, Haziak egitasmoaren metodologian erabiltzeko baliabide osagarri gisa, baina etxean igaro beharreko egun hauetarako ere baliabide egokia da.

KontaKLIKen bidez, nahi duzuen eran, ipuinak kontatzeko eta sortzeko parada duzue. Irudiak zein testua txertatu, ahotsa grabatu edota mugimendua eman diezaiekezue ipuinei. Behin zuen istorioa osatu ondoren nahi duzuen horrekin partekatu dezakezue; ipuinarekin jolasteko ere balio du KontaKLIKek.

Prozesuan haurrarekin gidaritza partekatzea eta ikasketa zein sormen prozesuan askatasuna ematea proposatzen da. Arreta bidean jartzera gonbidatzen zaituztegu, elkarrekin bizitzen ari zareten horretan.

Ondoren Haziakeko kideon proposamen zabala duzue (egin klik irudian):